Самарқанд шаҳрига кириш йўллари уч кунга ёпилади

3-4-5-апрель кунлари Самарқандда биринчи “Марказий Осиё — Европа Иттифоқи” саммити муносабати билан шаҳарга кириш йўллари вақтинча ёпилади.

Шу сабабли вилоят ҳудудидан транзит ўтувчи транспорт воситалари учун айланма ҳаракат ташкил этилди. Бу учун махсус флаер ишлаб чиқилган бўлиб, ундаги QR-код орқали ташкил этилган айланма йўллар ҳақида маълумот олиш мумкин.

Вилоят ИИБ шу кунлари Самарқандга боришни режалаштирганлардан ташрифларини имкон қадар бошқа кунга суришни сўради.

Шунингдек, саммит кунлари хавфсизликни таъминлаш учун Самарқанд шаҳрининг қуйидаги кўчаларида транспорт воситаларининг ҳаракати вақти-вақти билан чекланади:

🔹 Ибн Сино;
🔹 Афросиёб;
🔹 Даҳбед;
🔹 Бўстонсарой;
🔹 Университет хиёбони;
🔹 Намозгоҳ;
🔹 Садриддин Айний;
🔹 Шабод;
🔹 Уста Умар Жўрақулов;
🔹 Регистон;
🔹 Беруний;
🔹 Мирзо Улуғбек.

Ушбу кўчаларда, истисно тариқасида, тез тиббий ёрдам ва фавқулодда вазиятлар бўлинмаларига ҳаракатланишга рухсат берилади.