Россияликлар ўғирланиб, урушга боришга мажбурланмоқда.
Россиянинг Иваново вилоятида номаълум шахслар маҳаллий аҳолини ўғирлаб, уларни шартнома имзолашга ва урушга боришга мажбур қилмоқда, дея хабар бермоқда Россиянинг мухолиф оммавий ахборот воситалари.
Йўқолганларнинг қариндошлари журналистларга эркаклар ичкиликбозлик қилгани, тасодифий ишлар билан кун кўргани ва соғлиги яхши бўлмагани ҳақида сўзлаб беришди. Уларнинг яқинлари фикрича, ўғриловчилар "нотинч" қишлоқдошларини атайлаб излашган, бундай эркакларнинг рўйхатини тузишда эса маҳаллий ҳокимият органлари ёрдам берган.
Иваново вилоятидаги эркаклар йўқолгани ҳақида маҳаллий аҳоли 2025 йил бошида ижтимоий тармоқларда гапира бошлади. Одамларнинг йўқолиш ҳолатлари бир-бирига ўхшаш: эркаклар қўшимча ишларга кетиб, ғойиб бўлишади. Ёки номаълум шахслар келиб, уларни зўрлик билан қаергадир олиб кетишади.
Қариндошларининг айтишича, ўғирланган шахсларнинг кўпчилиги доимий иш жойига эга бўлмаган, тез-тез ичкиликбозлик қилишган. Баъзиларининг ҳатто шахсий телефони ва банк хизматларини улаш мумкин бўлган рақами ҳам йўқ эди. Шу билан бирга, йўқолган эркакларнинг яқинлари таъкидлашича, Мудофаа вазирлиги билан шартнома имзолаш пайтида ўғирланган шахслар учун қандайдир йўл билан банкда ҳисоб рақамлари очилган.
Қариндошлар хизмат учун тўловлар йўқолган эркакларнинг ҳисобида қолаётгани ёки ўғрилар томонидан ўзлаштирилаётганини аниқлай олишмади. Шунингдек, ўтган йилнинг октябрь ойида танлов пункти ходимлари томонидан фирибгарлик содир этилгани илк бор маълум бўлди: қўшни Владимир вилоятида полиция шартнома имзолаган кўнгиллилардан пул ўғирлаган уч кишини қўлга олди. Фирибгарлар ҳарбийларнинг СИМ-карталарини олиб қўйиб, уларнинг иш ҳақи ҳисоб рақамларига киришган ва кейинчалик маблағларни ечиб олишган.
Чўнтакка зарба: Гўшт нархи “учиб кетди” – Ўзбекистонда март ойида 9,1% ошди!
🔴 БАА судидан шов-шувли қарор: ўзбекистонликлар ўлимга ҳукм қилинди!
Қувайт энди Эронга ошкора ваъда берди
