АҚШ маъмурияти нега Россияга қарши божлар жорий этилмаганига изоҳ берди

Қўшма Штатлар Молия вазири Скотт Бесcент Россия ва Беларусга қарши санкциялар қўлланилгани сабабли бу мамлакатлар билан савдо олиб борилмаслигини айтди.

Оқ уй матбуот котиби Кэролайн Ливитт эса Ахios нашрига берган интервюсида Россияга қарши санкциялар ҳар қандай муҳим савдони деярли истисно қилишини маълум қилган. The New York Times газетасига кўра, Оқ уйнинг бошқа бир вакили айнан шу сабабли Куба ва Шимолий Корея ҳам Трампнинг божлар рўйхатига киритилмаганини билдирган.

Шу билан бирга, Ахios расмийларнинг бу баёнотларини рад этиб, АҚШ ва Россия ўртасидаги савдо алоқалари ҳали ҳам давом этаётганини қайд этди.

Нашр маълумотларига кўра, бу ҳажм сезиларли даражада камайган, 2021 йилда 35 миллиард доллар бўлган товар айирбошлаш ҳажми ўтган йили 3,5 миллиард долларгача тушган.

"Қўшма Штатлар ҳали ҳам Россия билан, масалан, Трампнинг тарифлар рўйхатига киритилган Маврикий ёки Брунейга қараганда кўпроқ савдо қилади. Божлар ҳатто АҚШ билан Россиядан ҳам камроқ савдо қиладиган узоқ орол ҳудудларига ҳам жорий қилинган", деб ёзади Ахios.