Трамп АҚШда фавқулодда ҳолат эълон қилди

Қўшма Штатлар миллий хавфсизликка таҳдид соладиган савдо мувозанати туфайли фавқулодда ҳолат эълон қилди.

Бу ҳақда Америка президенти Дональд Трамп маълум қилган.

"Ушбу таҳдиднинг манбаи АҚШдан ташқарида, асосий савдо ҳамкорларининг ички иқтисодий сиёсати ва глобал савдо тизимидаги таркибий номутаносибликларда ётади. Шу билан мен ушбу таҳдид юзасидан миллий фавқулодда ҳолат эълон қиламан", деди у.

Трампнинг айтишича, АҚШнинг бошқа давлатлар билан савдо алоқаларида “ўзаро муносабатлар” йўқ. Бундан ташқари, бу муносабатлар “айниқса сўнгги йилларда ниҳоятда мувозанатсиз бўлиб қолди”, дея қўшимча қилди Оқ уй раҳбари.