Оқ уй АҚШ томонидан бож жорий этилган давлатларнинг тўлиқ рўйхатини эълон қилди

Икки устундан иборат жадвалда турли мамлакатларда Қўшма Штатлар маҳсулотларига ҳозирда қандай божлар қўлланилаётгани ва Вашингтон бунга жавобан қандай йиғимларни жорий қилаётгани кўрсатилган.

Эълон қилинган рўйхатга кўра, Хитойдан импорт қилинадиган маҳсулотлар учун бож 34%, Европа Иттифоқи мамлакатлари учун – 20%, Швейцария учун 31%, Буюк Британия учун 10%, Исроил учун 17%, Қозоғистон учун 27% бўлади. Энг юқори божлар Ветнамга (46%), Камбоджага (49%) ва Лаосга (48%) нисбатан қўлланган. Россия ушбу рўйхатга киритилмаган.

Рўйхатда Ўзбекистон ҳам мавжуд бўлиб, АҚШ мамлакатимизга нисбатан 10 фоизлик импорт божини жорий этган.