Париждаги норозилик намойишлари давомида талабалар акцияси иштирокчилари АҚШ байроғини йиртиб, президент Доналд Трамп ва унинг тариф сиёсатини қораловчи шиорларни бақиришди, деб хабар бермоқда чет эл оммавий ахборот воситалари.
Намойиш авжига чиққан пайтда намойишчилар АҚШ байроғига ўт қўйиб, Трампнинг ҳаракатлари ва у жорий этган божхона тўловларига қарши ҳайқириқлар билан чиқишди.
Маълумотларга кўра, талабалар ва ўқитувчилар давлат секторидаги қисқартиришларга норозилик билдириш учун кўчаларга чиқишган. Акция давомида улар ахлат идишларини ёқиб юборишган, дўкон витриналарини ва банкоматларни синдиришга уринишган. Бироз вақт ўтгач, намойишчилар полиция билан тўқнашди, аммо чекинмай, ҳуқуқ-тартибот ходимларига петардалар ота бошлади. Намойишчиларнинг бу ҳаракатларига жавобан полиция ходимлари калтак ва кўздан ёш оқизувчи газ ишлатишга мажбур бўлди.
Эслатиб ўтамиз, 2 апрель куни Трамп АҚШга бир қатор мамлакатлардан импорт қилинадиган маҳсулотлар учун божхона тўловлари жорий этилишини эълон қилди, айрим давлатлар учун эса алоҳида ставкалар белгиланиши айтилди.Бундан ташқари, 3 апрелдан бошлаб Америка маъмурияти барча импорт қилинадиган автомобилларга 25 фоиз миқдорида бож жорий қилади.
Чўнтакка зарба: Гўшт нархи “учиб кетди” – Ўзбекистонда март ойида 9,1% ошди!
🔴 БАА судидан шов-шувли қарор: ўзбекистонликлар ўлимга ҳукм қилинди!
Қувайт энди Эронга ошкора ваъда берди
