Сурхондарёда терговга олиб кетилган шахснинг ўлими ҳолати юзасидан текширув якунланди

Омбудсманга тақдим этилган маълумотларга кўра, фуқаро Т.Хаитов 25 февраль куни Сариосиё тумани тиббиёт бирлашмасида вафот этган.

Суд-тиббий экспертиза хулосасига кўра, унинг ўлимига гипертония касаллиги оқибатида юз берган кардиосклероз, юрак тампонадаси ва юрак сиқилиши сабаб бўлган. Танасида жароҳат излари аниқланмаган.

Туман прокуратураси текширув якунлари асосида жиноят таркиби мавжуд эмаслиги сабабли 25 март куни жиноят иши қўзғатишни рад этиш ҳақида қарор қабул қилди.