Саккиз нафар боксчи қизимиз қитъа чемпионлиги учун жанг қилади

Таиланд пойтахти мезбонлик қилаётган бокс бўйича U-22 Осиё чемпионатида қизлар ўртасидаги ярим финал беллашувлари якунланди.

Маълум қилганимиздек, унда терма жамоамизнинг 8 нафар вакиласи финал йўлланмаси учун рингга кўтарилди. Якунда улардан 6 нафари олтин медаль учун курашни давом эттирадиган бўлди.

-48 кг: Фарзона Фозилова – Типсатча Йодваре (Таиланд) - 5:0
-50 кг: Сабина Бобоқулова – Кеи Чи (Сингапур) - 5:0
-52 кг: Феруза Казакова – Ти Нгуен (Ветнам) - 5:0
-54 кг: Нигина Ўктамова – Анел Сакиш (Қозоғистон) - 5:0
-57 кг: Ситора Турдибекова – Виктория Грефеева (Қозоғистон) - 4:1
-63 кг: Зиёда Ярашова – Тананя Сомнуек (Таиланд) - 0:5
-66 кг: Навбаҳор Ҳамидова – Анкар Ичшанова (Қозоғистон) - 5:0
-81 кг: Саҳобат Ҳусанова – Порнипа Чути (Таиланд) - 0:5

Иштирокчилар нисбатан кам бўлгани боис Азиза Зокирова (-70 кг) ва Соҳиба Рўзметова (-75 кг) тўғридан тўғри финалда рингга кўтарилишади. Шу тариқа, чемпионлик кураш олиб борадиган қизларимиз жами 8 нафарни ташкил этади. Финал беллашувлари 25 январь кунига белгиланган.