Сенегал терма жамоаси ҳамда Саудия Арабистонининг “Ан-Насср” клуби ҳужумчиси Садио Мане ўз туғилиб ўсган қишлоққа қиймати 500 минг долларга тенг шифохона қуриб берди. Эндиликда ушбу тиббиёт муассасасида маҳаллий аҳоли бепул даволанади.
Бундан ташқари, Садио Мане ўзи туғилиб ўсган Бамбали қишлоғидаги ҳар бир оилага ҳар ой 76 доллар (тахминан 100 минг наира) миқдорида моддий ёрдам кўрсатиб келади. Футболчи ёшлар учун грант ва стипендиялар ажратади, шунингдек, Мане ушбу ҳудуд аҳолисини бепул интернет тармоғи ва барқарор электр таъминоти билан ҳам таъминлаган.
Садио Мане ушбу ҳолат ҳақида қуйидагича фикр билдирган:
“Атрофингдагилар қийналаётган бир пайтда миллиардларга эгалик қилишнинг ҳеч қандай маъноси йўқ”.
Шунингдек, Сенегал терма жамоаси Африка Миллатлар Кубогида ғалаба қозонган тақдирда, Садио Мане мукофот пулларининг катта қисмини хайрия ишларига йўналтиришини маълум қилган.
Маълумот учун, 18 январь куни бўлиб ўтган Африка Миллатлар Кубоги финал учрашувида Сенегал Марокаш устидан 1:0 ҳисобида ғалаба қозонди. Садио Мане бошчилигидаги жамоа олтин медаллар билан бирга 10 миллион доллар миқдоридаги мукофот пулини ҳам қўлга киритди.
«Реал»дан истеъфога чиқарилган Хаби Алонсо яна Германияда иш бошлаши мумкин
Клопп «Реал» юлдузини жамоадан ҳайдайди
Абдуқодир Ҳусановга жиддий рақобатчи келмоқда
