Рютте: "НАТО Эроннинг ядровий ва ракета салоҳиятини йўқ қилишни қўллаб-қувватлайди"

НАТО Эронга қарши операцияда иштирок этмаяпти, аммо унинг ядровий ва баллистик ракета салоҳиятининг заифлашишини оқланган деб билади.

НАТО бош котиби Марк Рютте бу ҳақда Шимолий Македонияда бўлиб ўтган матбуот анжуманида маълум қилди.

Унинг таъкидлашича, Эрон ядровий салоҳиятга эга бўлишга яқин ва баллистик ракеталарга эга, бу нафақат Яқин Шарқ, жумладан, Исроил, балки Европа учун ҳам таҳдид солади.

"Бу биз учун, Европада, катта таҳдид солади", деб таъкидлади у.

Рютте Европа раҳбарлари билан кўплаб телефон суҳбатларидан сўнг, иттифоқчилари Эроннинг ядровий ва ракета салоҳиятининг заифлашишини олқишлаши ҳақида хулоса қилганини қўшимча қилди.