Сербия президенти Александр Вучичнинг мамлакатни фашистлардан озод қилишда СССРнинг ёрдами кам бўлгани ҳақидаги баёноти "ҳайратга солмоқда". Бу ҳақда Россия ТИВ расмий вакили Мария Захарова брифингда маълум қилди.
"Сербия президентининг, айниқса Ғалабанинг 80 йиллиги нишонланаётган йилда, Қизил армия сафида Европани, жумладан Югославияни озод қилганлар хотирасига ҳурмат кўрсатиш учун тегишли сўзларни топа олмагани ажабланарли," дея таъкидлади у.
Бундан олдин Вучич Иккинчи жаҳон уруши даврида Сербияни немислардан озод қилиш билан асосан Сербия армияси шуғулланганини, Совет Иттифоқининг ёрдами эса унча катта бўлмаганини айтган эди.
1944 йил охирида югослав инқилобчиси Титонинг коммунистик партизанлари Совет қўшинлари ёрдамида Сербия ҳудудини эгаллади. Бу ҳудуд Хорватия, Венгрия, Албания, Болгария ва Черногориянинг айрим қисмлари билан бирга СФРЙ таркибидаги Сербия Социалистик Республикасига айлантирилди.
Март ойи бошларида Кремль хабар берганидек, Сербия президенти Россия раҳбари Владимир Путин билан суҳбатда Ғалабанинг 80 йиллигини нишонлаш учун Москвага ташриф буюришини ва Қизил майдондаги ҳарбий парадда иштирок этиш учун ҳарбий бўлинмалар юборишини тасдиқлаган эди.
Чўнтакка зарба: Гўшт нархи “учиб кетди” – Ўзбекистонда март ойида 9,1% ошди!
🔴 БАА судидан шов-шувли қарор: ўзбекистонликлар ўлимга ҳукм қилинди!
Қувайт энди Эронга ошкора ваъда берди
