Россияга бир қарич ҳам ер берилмайди — Зеленский

Украина раҳбари мамлакатнинг ҳудудий яхлитлиги музакара учун очиқ мавзу эмаслигини айтди.

Украина президенти Владимир Зеленский мамлакат ҳеч қачон ўз ерларини Россияга бермаслигини қатъий таъкидлади. Унинг сўзларига кўра, Украина ҳудуди фақат украин халқига тегишли ва унинг бир қарич қисми ҳам “босқинчига совға қилинмайди”.

“Украинлар ҳеч кимга ер бермайди. Биз босқинчига ер совға қилмаймиз. Бу ҳақдаги жавоб Конституциямизда аниқ ёзилган — ҳеч ким бундан четга чиқа олмайди”, — деди Зеленский мамлакат телевидениесидаги мурожаатида.

Президентнинг бу сўзлари АҚШ собиқ президенти Дональд Трамп ва Россия раҳбари Владимир Путин ўртасида Украина иштирокисиз бўлиб ўтган эҳтимолий музокаралар фонида айтилди. Зеленский бундай келишувларни “тўлиқ ноқонуний” ва “тўхтовсиз жанговар ҳаракатларга туртки берувчи омил” деб атади.

“Бу урушни тугатиш керак — лекин уни Украина эмас, Россия тугатиши лозим. Биз ўз еримиз учун курашишдан тўхтамаймиз”, — деди у.

Шунингдек, Украина раҳбари мамлакатнинг ҳудудий яхлитлиги музакара учун очиқ мавзу эмаслигини, ҳар қандай келишув Украина иштирокисиз қабул қилинса, у ҳақиқий тинчликка хизмат қилмаслигини билдирди.