Кэлин Жоржескунинг сўзларига кўра, у сиёсий жараёнда фаол иштирок этишни тўхтатишга қарор қилган. Жоржеску ҳеч бир сиёсий партияга аъзо эмаслигини, ўз партиясини тузмоқчимаслигини ва давлат лавозимларини эгаллаш нияти йўқлигини таъкидлади.
Шу билан бирга, Жоржеску келажакда "Руминия ва румин халқига реал фойда келтирадиган жиддий имконият" пайдо бўлса, сиёсатга қайтиши мумкинлигини истисно этмади.
2024 йилда Руминия президентлиги учун сайловлар арафасида Жоржеску ТikTok орқали тез машҳурликка эришиб, биринчи турда етакчилик қилган эди. Бироқ мамлакат Конституциявий суди Россиянинг аралашуви аломатлари мавжудлиги сабабли сайлов натижаларини бекор қилди. Бундан ташқари, Жоржескуга яна сайловда қатнашиш тақиқланди.
Такрорий овоз беришда биринчи турда бошқа бир ўта ўнг сиёсатчи Жорже Симион ғолиб чиқди, аммо иккинчи тур якунларига кўра ғалабани либерал номзод Никушор Дан қўлга киритди.
Кремль миллиардлаб топмоқда, Европа эса миллиардлаб сарфламоқда
Медведевнинг хаёллари
Дуров: "Мен русман!"
