Москванинг «Локомотив» клуби сафида Россиянинг икки карра чемпиони бўлган, Россия терма жамоасининг собиқ ҳужумчиси Руслан Пименов Ўзбекистон миллий жамоасини ЖЧ-2026ни гуруҳ босқичида тарк этгани учун танқид қилмаслик кераклигини таъкидлади.
«Ўзбекистоннинг жаҳон чемпионатига чиққани сенсациями? Албатта. Улар ўзларини кўрсатишди, мундиалда қатнашишди — ҳаммаси жойида. Бу улар учун жуда катта ютуқ. Яна қачон жаҳон чемпионатига чиқишларини ҳеч ким билмайди», — деди Пименов.
Собиқ футболчининг таъкидлашича, Ўзбекистон терма жамоасининг мундиалда урган икки голи ҳам Россия Премьер-лигасида тўп сурган футболчилар ҳисобига тўғри келди — собиқ «Ростов» ҳужумчиси Элдор Шомуродов ва ЦСКАнинг собиқ форварди Аббосбек Файзуллаев.
«Ўзбекистоннинг жаҳон чемпионатидаги икки голини Россия Премьер-лигасида ўйнаган йигитлар урди. Улар ўз савиясини намойиш қилди, яхши ҳолатда эканини кўрсатди. Қолганлар эса янада ўсиши керак.
Ўзбекистон тезда мусобақани тарк этдими? Албатта, барчамиз қўшниларимизга мухлислик қилдик. Лекин энди йигитларни танқид қилиш... Бир ўйлаб кўринг, ҳатто Италия ҳам мундиалга чиқа олмади, саралашдан ўта олмади. Италия 12 йилдан бери жаҳон чемпионатида иштирок этмаяпти, аммо Ўзбекистон қатнашди. Бунинг ўзи катта муваффақият», — деди Пименов.
Эслатиб ўтамиз, Ўзбекистон терма жамоаси ЖЧ-2026 гуруҳ босқичида Колумбияга (1:3), Португалияга (0:5) ва Конго ДРга (1:3) мағлуб бўлиб, мусобақани эрта якунлаган эди.
Ҳусановнинг дўсти рекорд нархга трансфер қилинди
Беҳруз Каримов — "Лугано" футболчиси!
Фабио Каннаваро: "Терма жамоани ёшартириш ишларини олиб борамиз"
