Эрон АҚШ билан уруш пайтида Шимолий Кореядан қурол олган

Эрон АҚШ ва Исроил билан можаро пайтида Сурия ва Шимолий Кореядан қурол сотиб олган.

Tasnim ахборот агентлиги хабар беришича, Ислом инқилоби қўриқчилари корпусининг Қудс кучлари (ИИКҚ) қўмондони ўринбосари бригада генерали Муҳаммад Ризо Фаллаҳзода бу ҳақда маълум қилди.

"Уруш пайтида Эронга мамлакатнинг мудофаа эҳтиёжларини қондириш учун Сурия ва Шимолий Кореядан қурол-яроғ етказиб берилган", деди у.

ИИҚК вакилининг сўзларига кўра, Эрон ҳарбийлари ҳозирда аэрокосмик ва денгиз соҳаларида, ички хавфсизликда, замонавий ҳарбий техника ва қурол-яроғ ишлаб чиқаришда ютуқларга эришдилар.

У мамлакатда хавфсизлик мустаҳкамланганини таъкидлади. Фаллаҳзода шунингдек, жанглар пайтида Эрон қуролли кучлари фақат Ислом Республикаси ҳудудига ҳужум қилиш учун ишлатилган АҚШ базаларига зарба берганини аниқлади.

У шунингдек, Исроил Эрон, ХАМАС ва "Ҳизбуллоҳ"ни қуролсизлантиришга эриша олмаганини айтди.

"Яман "Ансар Аллоҳ" ҳаракати Исроилга қарши қаршиликнинг муҳим элементларидан бири бўлиб қолмоқда", дея хулоса қилди у.