Россиядаги энг йирик тадбиркорлар бири полицияга чақирилганидан сўнг ўз жонига қасд қилди

"Благо" компаниялар гуруҳининг топ-менежери Александр Хайдин Россия Федерациясининг Ленинград вилоятидаги ёзги уйида ўз жонига қасд қилди.

Бу ҳақда ҳуқуқ-тартибот идоралари маълум қилди.

А.Хайдин 49 ёшда эди. Компания веб-сайтининг сақланган версиясига кўра, Ҳайдин 12 январь куни савдо бўйича директор сифатида рўйхатга олинган, бироқ унинг исми жорий версиядан олиб ташланган.

"Благо" компаниялар гуруҳи Россиядаги энг йирик ўсимлик мойлари ишлаб чиқарувчиси ҳисобланади. Корхона 1993 йилда ташкил этилган бўлиб, унинг маҳсулотлари еттита заводда ишлаб чиқарилади. Компания портфелига "Благо", "Алма Дор" ва "Дарй Кубани" каби ўнта бренд киради. Компания асосчиси Аркадий Фосман 2024 йил октябрь ойида 55 ёшида узоқ давом этган касалликдан сўнг вафот этди.

"База" хабарига кўра, Хайдин хотинини ишдан олиб кетиши керак эди, бироқ алоқани тўхтатди. Кейинроқ Хайдиннинг жасади гараждан топилган. Хайдин ўлимидан олдин хотинига Беларуснинг "Кубок" компанияси иши бўйича Иқтисодий жиноятларга қарши кураш департаментига (УБЭП) сўроққа чақирилганини айтган.

"Фонтанка" нашрининг таъкидлашича, у ўлимидан бироз олдин иқтисодий полицияга чақирилган. Чақирув баъзи хитойлик тадбиркорларга 100 минг доллар пора бериш ҳақидаги материал билан боғлиқ эди.