Россияда яна бир кўприк қулаб тушди

Россия Федерациясининг Курск вилоятининг Железногорск туманида якшанбага ўтар кечаси юк поезди ҳаракатланаётган вақтда темир йўл кўприги қулаб тушди.

Бу ҳақда вилоят губернатори вазифасини бажарувчи Александр Хинштейн "Телеграм"да маълум қилди.

"Бугун тунда Железногорск туманидаги Тросна-Калиновка автомобиль йўлининг 48-километрида юк локомотиви ҳаракатланаётганда кўприк қулаб тушди. Поезднинг бир қисми кўприк остида қолган йўлга қулаб тушди. Локомотив ёниб кетди - Фавқулодда вазиятлар вазирлиги уни тезда локализация қилди", деб ёзди у.

Маълумотларга кўра, бутун локомотив экипажи касалхонага етказилган, жароҳатланган ва қурбонлар сони аниқланмаган.

"Кўприк остидан автомобиллар ҳаракати вақтинча тўхтатилди, айланма йўл ташкил этилди", — дея қўшимча қилди вилоят раҳбари.

Аввалроқ, Брянск вилоятидаги ҳам кўприк қулаб тушгани ҳақида маълумот берилганди.