Россия Федерацияси ҳудудида Google, Android ва iOS дастурлари блокланиши мумкин. Бу ҳақда Россия Давлат думаси депутати Алексей Диденко берган маълумотга таяниб, «Лента.ру» нашри хабар берди.
Айтилишича, ушбу платформалар маълумотларни қайта ишлаш ва тўплаш функцияларига эга эканлигини боис расмийлар уларга тақиқ қўйишга чақирган. Депутатларнинг бир гуруҳи Google, Android ва iOSга муқобил платформалардан фойдаланишни тавсия қилган.
Депутат Диденко платформаларни блоклаш ташаббуси дума вакиллари талаби билан эмас балки вазият тақозоси билан амалга оширилишини билдирган.
Ҳукумат маълумотлар оқимини назорат қилиш ҳамда шахсий маълумотларни муҳофаза қилиш учун шундай йўл тутишга мажбур бўлган.
«Бу бизнинг ташаббусимиз билан содир бўлмаяпти. Давлат хизматчилари ва мансабдор шахсларга ушбу платформалардан, айниқса, махфий маълумотларга кириш ҳуқуқига эга бўлган дастурлардан фойдаланиш амалда узоқ вақтдан бери тақиқланган. Шу боисдан ҳам энди фойдаланувчилар бошқа муқобил платформалардан фойдаланишига тўғри келади», деди Алексей Диденко.
Депутат халқаро платформа ва дастурларнинг Россияда блокланиши мамлакат аҳолиси учун фожиа эмаслигини айтган. Бунга мисол сифатида 2022 йилда Россия ҳудудида Нетфлих фаолияти тўхтагани, бироқ унинг аналоглари фаоллашгани келтирилган.
Шунингдек, Алексей Диденко Google, Android ва iOS айнан қандай маълумотларга таҳдид солаётганини аниқ айтмаган. Ушбу компанияларга қачон ва қанча муддатга чеклов киритилиши ҳам очиқланмаган.
РФ учун яна бир “бош оғриқ” пайдо бўлди
Дания АҚШ тажовузи бўлса, Россияга мурожаат қилишни таклиф қилди
Москва АҚШга "жавоб" ваъда қилмоқда
