«Оммавий ахборот воситаларида ҳар икки томоннинг максимал талаблари ва кескин сиёсий баёнотлари ҳақида хабарлар тарқалди. Бироқ ёпиқ музокаралар давомида ҳар икки томон ушбу урушни тугатиш учун амалий муросалар зарурлигини англаётгани маълум бўлди», — деб ёзди Кушнер X ижтимоий тармоғида.
Шунингдек, америкалик музокарачи НАТО Европа хавфсизлигининг муҳим таянчи бўлиб қолишини таъкидлади. У Европа ҳамкорлари ҳам музокара жараёнида бевосита иштирок этишини исташларини қайд этди.
Кушнернинг сўзларига кўра, муҳокамалар давомида бир қатор янги таклифлар илгари сурилган бўлиб, уларнинг айримлари музокараларда жиддий ижобий силжишларга олиб келиши мумкин.
Аввалроқ The New York Times нашри ўз ихтиёридаги ҳужжатга таяниб, Россия НАТО қўшинларини Польша ва Болтиқбўйи давлатларидаги шарқий қанотидан олиб чиқишни ҳамда Украинага қурол етказиб беришни тўхтатишни талаб қилаётгани ҳақида хабар берган эди.