Россия ва Украина ўртасидаги навбатдаги ҳарбий асирлар алмашилди

Россия ва Украина навбатдаги ҳарбий асирларни алмашишди.

Бу ҳақда Россия Мудофаа вазирлиги маълум қилди.

"23 июль куни 2 июнь куни Истанбулда эришилган Россия-Украина келишувларига мувофиқ, бир гуруҳ россиялик ҳарбий хизматчилар Украина ҳудудидан қайтарилди. Бунинг эвазига Украина Қуролли кучларининг бир гуруҳ ҳарбий асирлари ўтказилди", — дейилади хабарда.

Ҳарбий департаментнинг аниқлик киритишича, россиялик ҳарбий хизматчилар Беларус Республикаси ҳудудида бўлиб, уларга зарур психологик ва тиббий ёрдам кўрсатилмоқда. Тез орада улар ватанларига етказилади.