Бу ҳақда Reuters хабар бермоқда.
Агентлик манбаларига кўра, бу келишувлар Кремлни Украина бўйича тинчлик битимини имзолашга ундашга мўлжалланган эди.
"ExxonMobil энергетика компаниясининг “Сахалин-1” лойиҳасига қайтиши ва Россиянинг суюлтирилган табиий газ ишлаб чиқариш лойиҳалари учун АҚШ ускуналарини харид қилиш имкониятлари муҳокама қилинган", дея ёзмоқда нашр манбаларига таяниб.
Reuters суҳбатдошларининг айтишича, ушбу битимлар АҚШ президентининг махсус вакили Стив Уиткоффнинг Москвага сўнгги ташрифи давомида кўтарилган. Бундан ташқари, ушбу масалалар Оқ уйда президент Доналд Трамп билан ҳам муҳокама қилинган.
Агентлик манбаларидан бири шунингдек, бу мавзу 15 август куни Аляскадаги саммит чоғида ҳам тилга олинганини айтди.
"Оқ уй Аляска саммитидан кейин оммавий ахборот воситаларида катта инвестицион келишув ҳақидаги хабарларни кўришни жудаям истаган. Чунки Трамп ўзини нимагадир эришгандек ҳис қилишни истаган", дейилади мақолада.
Янги ўқув йилининг бошланиш саналари тасдиқланди
Жаҳонгир Позилжанов, Озодбек Назарбеков, Дилшод Мусабековлар унвон ва орденлар билан тақдирланди
Кейинги 5 йил ичида бошланиши мумкин бўлган 5 та уруш
