Россия-Украина уруши: Трамп Путинга "тўхта" деди

Трамп Путинга Киевга қилинган ҳалокатли ҳужумлардан сўнг "тўхта" деб чақириқ қилди.

АҚШ президенти Доналд Трамп Киевда камида 12 кишининг ўлимига сабаб бўлган ҳужумлардан кейин Россия раҳбарини қоралади.

Трамп ўзининг Truth Social ижтимоий тармоғида "Бу ҳужумлар кераксиз ва жуда нотўғри вақтда содир бўлди. Владимир, тўхта! Ҳар ҳафта 5 минг аскар ҳалок бўлмоқда" деб ёзди.

Ушбу ҳужум Украина президенти Володимир Зеленскийни Жанубий Африкага қилаётган расмий ташрифини қисқартиришга мажбур қилди.

Ҳафталаб давом этган тинчлик музокаралари келишувга эришилмасдан якунланаётгандек кўринарди. Бундан олдин Трамп Зеленскийни танқид қилиб, уни эҳтимолий келишув доирасида Қримни топширишни рад этгани учун айблаган эди.