Кремль АҚШ президенти Дональд Трампнинг Россия-Украина урушини тугатишга уринишлари бўйича унга ён беришнинг бир қанча вариантларини кўриб чиқмоқда.
Bloomberg нашрига бу ҳақда Россия Федерациясидаги номи ошкор этилмаган манбалардан маълум қилган.
Уларнинг сўзларига кўра, Россия ҳукумати Трампга тинчлик йўли билан келишув бўйича мумкин бўлган имтиёзларни АҚШнинг иккиламчи санксиялари таҳдидидан чалғитишга уриниш сифатида кўриб чиқмоқда.
"Таклифлардан бири деэскалация ишораси сифатида учувчисиз самолётлар ва ракеталардан фойдаланган ҳолда ҳаво ҳужумларини тўхтатиш бўлиши мумкин – агар Украина ҳам келишувни имзолаган бўлса”, — деб ёзади агентлик манбалардан бирига таяниб.
Bloomberg манбаларининг фикрича, АҚШ президентининг махсус элчиси Стив Уиткоффнинг Москвага эълон қилинган ташрифи “муваффақиятга эришиш имконияти жуда оз бўлса ҳам Трамп билан келишувга эришиш учун сўнгги имконият беради”.
Шунингдек, улар Россия президенти Владимир Путиннинг Украинага қарши урушдаги мақсадлари ўзгармаганини, Россия ҳалигача тўлиқ ўт очишни тўхтатишга рози бўлмаганини қўшимча қилади.
Трамп сўнгги ҳафталарда Россияни танқид қилишни кучайтириб, энергия нархларининг пасайиши Путинни Украинадаги урушни тугатишга мажбурлаши мумкинлигини ва мамлакатнинг Россия нефтини сотиб олиши сабабли келгуси 24 соат ичида Ҳиндистон импортига божларни “сезиларли” ошириш масаласини кўриб чиқишни айтди.
АҚШ "тарвузи қўлтиғидан тушиб кетди": Туркиянинг рухсатисиз Қора денгизга ядровий сув ости кемаларини жойлаштира олмайди
Бола ўғрилари ушланди
Илон Маск барча мамлакатларни Европа Иттифоқини тарк этишга чақирди
