АҚШ Россия Федерациясининг ташқи қарзига хизмат кўрсатиш учун долларда тўловларни сунъий равишда тақиқлаш орқали Россия учун муаммо яратмоқчи, аммо Россия рублда тўловларни амалга оширади, мамлакатда кераклича маблағлар бор. Бу ҳақда Давлат думаси спикери Вячеслав Володин Telegram-каналида маълум қилди.
“Биринчидан, бизда тўловлар учун барча зарур маблағлар мавжуд. Иккинчидан, биз рублда тўлаймиз. Бу АҚШнинг танлови. Уларнинг ўзлари долларда тўловларни тақиқлаб қўйган. Бугун рубль сезиларли даражада мустаҳкамланди ва бизда бозордаги вазият яхши”, - деб ёзди Володин.
Унинг сўзларига кўра, Россия қарори АҚШ Россиянинг ташқи қарзига хизмат кўрсатиш лицензиясини узайтирмаслик орқали мамлакат олдига қўймоқчи бўлган муаммоларга жавобан қабул қилинган.
“Бизда рублда ўзаро ҳисоб-китоблар тажрибаси бор. Газ шартномалари буни кўрсатди. Қўшма Штатлар ва уларнинг қарорларини қўллаб-қувватловчи йўлдошлар рублга кўниксин”, - дея таъкидлади Володин.
Россия яна бир ҳарбий можарода иштирок этиши мумкин
Макрон: "Агар Россия ғалаба қозонса..."
Россия Арманистон учун қарор чиқарди
