Краснодарда 9 май куни Ғалаба паради ўтказилмайди. Бу ҳақда Краснодар ўлкаси губернатори Вениамин Кондратев маълум қилди, дея хабар берди РИА Новости.
«Чунки бу катта хавф — ҳаво тревогаси деярли ҳар кеча эълон қилинади. Албатта, биз Краснодар аҳолисини, парадга келадиганларни, парад иштирокчиларини хавф остига қўя олмаймиз», — деди ўлка раҳбари.
Краснодар Украина ҳудудига, жумладан, фронт чизиғига яқин шаҳар саналади.
Кондратев, шунингдек, жорий йилда «Ўлмас полк» акцияси онлайн тарзда ўтказилишини айтди. Вилоятда фахрийларни уйлари ёнида концерт дастурлари билан табриклаш режалаштирилган.
Аввалроқ украиналик депутат 9 май куни Москвадаги Қизил майдонга зарба берилиши мумкинлиги ҳақида гапирганди.
Қозоғистон Россия билан урушга тайёргарлик кўрмоқдами ёки бу шунчаки ички чорами?
Москва марказида кетма-кет портлашлар юз берди
Абдуқодир Ҳусанов нега майдонга тушмаётганлигига ойдинлик киритилди. Асл муаммо нимада?
