Россия қўшинлари Украинанинг Харков ва Суми вилоятлари чегараларида тўпланмоқда — ОАВ

Sky News'нинг хабар беришича, Россия Харков вилояти билан чегарада 50 мингдан ортиқ қўшинларини, жумладан, элита ҳаво-десант бўлинмаларини жойлаштирган.

"Москва Украина мудофаасини ёриб ўтиш ва Харков шаҳрини эгаллашга ҳозирлик кўрмоқда", — дея фикр билдирди телеканал манбаси.

Бундан ташқари, Bild нашри маълумотларига кўра рус қўшинлари Суми вилояти мудофаасини ёриб ўтиб, ўз позицияларини мустаҳкамлашга муваффақ бўлган.

"Июн ойида Путин томонидан Харков, Суми ва Днепр томон кенг кўламли ҳужум бошланиши кутилмоқда. Урушнинг якуни кўринмаяпти", дея хулоса қилади Bild.