Россия Истанбулдаги музокараларда ён бермайди, NATO эса шарққа кенгайишдан воз кечишни муҳокама қилмаяпти. Бу ҳақда ISW хабар берди.
Россия расмий вакиллари 2 июнда Истанбулда ўтказилиши режалаштирилган музокаралар олдидан Кремлнинг муросасиз позициясини намойиш этишни давом эттирмоқда. Бу эса ушбу учрашувда Украинада тинчлик ўрнатиш бўйича бирор жиддий натижага эришиш эҳтимоли ниҳоятда паст эканлигидан далолат беради. Бу ҳақда Америка Урушни ўрганиш институтининг (ISW) сўнгги ҳисоботида келтирилган.
Ҳисоботда таъкидланишича, Россиянинг БМТдаги доимий вакили Василий Небензя 30 май куни бўлиб ўтган БМТ Хавфсизлик кенгаши йиғилишида Россия Украина билан "қанча зарур бўлса, шунча" урушишга тайёр эканлигини ва Киев ё Москванинг шартлари асосида тинчликни қабул қилиши, ёки жанг майдонида муқаррар мағлубиятга дуч келиши мумкинлигини айтган.