Германия мудофаа вазири Борис Писториуснинг айтишича, 2029-2030 йилларда Россия НАТО мамлакатларига ҳужум қилишга уриниб кўради.
"Россия қуролли кучлари сезиларли даражада ўсиб бормоқда. 2026 йилга бориб, уларнинг сони, эҳтимол, 1,5 миллион аскарга кўпаяди. Путин 2029-30 йилларда "бошқа давлатларга мумкин бўлган назарий ҳужум учун тегишли шарт-шароитларни яратиш" учун қуролли кучларини қайта ташкил қилиши мумкин.
Унинг сўзларига кўра, шу сабабли Европа учун 2029-йилгача мудофаа қобилиятини таъминлаш айниқса муҳим.
