Руслар митингга чиқди

Курск вилоятининг Глушковский тумани аҳолиси вазифани бажарувчи губернатор Александр Хинштейнга мурожаат ёзишди. Улар Украина Қуролли Кучлари (УҚК) ҳудудга ҳужум бошлаганидан бери деярли ярим йил ўтганига қарамай, давлатдан уй-жой олмаганларидан шикоят қилишди ва ҳукуматдан уларнинг муаммоларини тезда ҳал қилишни талаб этишди.

"Одамлар кўчада қолиб, номаълум вазиятга тушганига деярли ярим йил бўлди. Бизнинг доимий яшаш жойимиз йўқ, вақтинчалик яшаш жойлари ва ижарага олинган квартиралар бўйлаб сарсон бўлишга мажбурмиз. Болаларимиз ўз уйларини унутиб қўймоқда. Кексаларимиз вақтинчалик яшаш жойларида давлат каравотларида жон бермоқда. Аммо шу пайтгача минтақа раҳбарлари бизнинг айбимизсиз юзага келган муаммоларнинг тобора кўпайиб бораётганини тан олишни истамаяпти. Биз давлатга керак эмасдек туюлади ва бу масалаларнинг ечими атайлаб кечиктирилаётганга ўхшайди," - дея жамоа мурожаатини фаоллардан бири ўқиб берди.

Мурожаатда аҳоли Владимир Путин илгари Курск вилоятини молиялаштириш билан боғлиқ муаммолар йўқлигини айтганини ва "ҳаётий муҳим масалаларни" ҳал этиш минтақавий ҳокимият ваколатига киришини таъкидлаганини эслатди. "Бироқ биз доимо: "Сизлар учун пул йўқ," деган гапни эшитамиз. Кўплаб масалаларимиз ечимини топмаяпти. Ҳокимият одамларни қандай муаммолар ташвишга солаётганини билмасликка оляпти. Одамлар кутавериб толиққан. Бизга барча оғриқли мавзулар бўйича аниқ ечимлар зарур," - дея таъкидлади аҳоли ўз мурожаатида.

Улар, шунингдек, Александр Хинштейн билан "энг қисқа муддатда" шахсан учрашишни талаб қилдилар. "Александр ЕвсеЭвич, сиз ўзингиз ҳокимият ва халқ ўртасида алоқа йўқлигини айтган эдингиз. Шундай экан, биз билан тўғридан-тўғри мулоқотга чиқинг. Ташаббускор гуруҳлар ортига яширинишни бас қилинг," - дея чақириқ қилдилар курскликлар.