Россиянинг "АлфаСтрахование" компанияси Озарбайжоннинг AZAL авиакомпаниясига тегишли Embraer самолётининг Ақтау яқинидаги ҳалокати муносабати билан авиация корпуси бўйича суғурта товонини тўлиқ миқдорда тўлаганини Интерфаксга маълум қилди.
Шунингдек, компания йўловчиларга етказилган зарар учун ҳам тўловларни амалга ошираётгани таъкидланди.
"АлфаСтрахование" компаниясининг авиация ва космик суғурта бўйича бош директори ўринбосари Иля Кабачник нашрга шундай деди: "Қозоғистоннинг Ақтау шаҳри яқинида ҳалокатга учраган Azerbaijan Airlines (AZAL) авиакомпаниясининг Embraer 190 самолёти, шунингдек, ташувчининг йўловчилар олдидаги жавобгарлиги бизнинг компаниямизда суғурталанган эди".
Унинг сўзларига кўра, хавфнинг асосий қисми "Россия миллий қайта суғурта компанияси"да қайта суғурталанган. Самолёт учун тўлиқ суғурта суммаси февраль ойида тўланган.
Шу билан бирга, у авиация суғуртаси тўлови миқдорини ошкор қилмади. Кабачник, шунингдек, суғурталовчига нима учун авиаҳалокат бўйича расмий текширув якунланишини кутиш шарт бўлмаганлигини тушунтирди.
Бола ўғрилари ушланди
"Биздан Арманистон жанубини тортиб олишяпти, лекин буни ҳеч ким гапирмаяпти"
Ҳиндистон АҚШ ва ЕИнинг Россия нефть импортига қарши ҳужумларига жавоб қайтарди
