Россия ҳудудида ўрмон ёнғинлари сабабли фавқулодда ҳолат эълон қилинди

Бурятия Республикасида (Россия Федерацияси) ўрмон ёнғинлари сабабли фавқулодда ҳолат эълон қилинди.

Бу ҳақда Республика ўрмон хўжалиги агентлиги маълум қилди.

"Фавқулодда вазиятлар бўйича Республика комиссияси қарори билан 13 майдан бошлаб республика ўрмонлари ҳудудида ҳудудий аҳамиятга эга фавқулодда ҳолат жорий этилди, ўрмонга кириш йўллари ёпилди", — дейилади хабарда.

13 май куни эрталаб вилоятда Баунтовский Эвенки ва Еравнинский туманларида жами 53 208 гектар майдонда 22 та ўрмон ёнғинлари содир бўлди. "Ёнғинни ўчириш кучли шамол юклари ва бориш қийин бўлган ерлар туфайли қийинлашмоқда", деб таъкидлади РАЛҲ.

Сўнгги 24 соат ичида 16,6 минг гектар майдондаги ёнғинни ўчириш мумкин бўлди, Баунтовский Эвенки ҳудудида тўртта янги ёнғин аниқланди. "Ёнғинга эҳтиётсизлик сабаб бўлган”, — дейилади агентлик хабарида. Ёнғинни ўчиришда 533 киши ишламоқда.

Ёнғин мавсуми бошидан буён жами 174 та ўрмон ёнғинлари қайд этилган бўлиб, барча ёнғинларнинг 90 фоиздан ортиғи инсон омиллари таъсирида содир бўлган.