2025 йилда Норвегия қувурлар орқали 108,6 миллиард куб метр табиий газ экспорт қилган бўлса, Россия бор-йўғи 103,5 миллиард куб метр экспорт қилди. Бу ҳақда Халқаро газ иттифоқи ҳисоботида айтилади.
Маълумотларга кўра, 2005 йилга нисбатан Россиядан қувур орқали газ экспорти ҳажми икки баравардан кўпроққа қисқарган. Бунга Россиянинг "Газпром" компанияси Украинада уруш бошланиши сабабли Европа бозоридан чиқиб кетгани сабаб бўлган.
Ҳисобот муаллифларининг қайд этишича, ҳозирда Россия табиий газ экспортини фаол равишда Осиё бозорига йўналтирмоқда. Бу эса Москва билан музокараларда Пекиннинг позициясини мустаҳкамлайди, чунки Хитой бозори Осиёдаги энг йирик бозор ҳисобланади.
Москва ва Пекин кўп йиллардан буён янги "Сибир қуввати — 2" газ қувури қурилишини муҳокама қилмоқда, бироқ томонлар ҳалигача якуний келишувга эришгани йўқ. Reuters агентлигининг 2025 йил декабрида ёзишича, янги газ қувури қурилиши 10 йилгача вақт олиши мумкин.
Мактабларда «Сўнгги қўнғироқ» тадбирлари қачон ўтказилиши маълум бўлди
Президентнинг янги қарори қабул қилинди
Эрон 57 та мусулмон давлатидан иборат “Ислом NATOси” ни тузишга чақирди
