Чехия президенти Россияни интернетдан узиш, банкларини глобал молия тизимларидан ажратиш ҳамда NATO ҳаво ҳудудини бузган авиатехникасини уриб туширишни таклиф қилди.
Петр Павел бу ҳақда The Guardian газетасига берган интервюсида маълум қилди.
Сиёсатчи Россиянинг алянсга қарши провокацион хатти-ҳаракатларига қарши туриш учун етарлича кескин, ҳатто ассиметрик жавоблар бериш зарурлигини айтди. Акс ҳолда Россия ўз ҳаракатларини янада кучайтириши хавфи борлигини таъкидлади.
Чехия президенти “АҚШнинг Россияга босим ўтказишда қатъияцизлиги”дан норозилик билдирди. Аммо президент Доналд Трампни тўғридан-тўғри танқид қилишдан ўзини тийди. Бунинг ўрнига Павел NATO аъзоларини Россияга нисбатан қатъий позицияни эгаллашга ундаш зарурлигига эътибор қаратди.
"Афсуски, Россия, чиройли сўзларни тушунмайди. Улар асосан куч тилини ва бу кучнинг амалий ҳаракат билан мустаҳкамланишини тушунади. Агар NATO ҳаво ҳудудини бузиш ҳолатлари давом этса, биз дрон ёки бошқариладиган самолётларни уриб тушириш тўғрисида қарор қабул қилишимизга тўғри келади", — деди у.
Сиёсатчининг таъкидлашича, алянс, шунингдек, одамларнинг ўлимига сабаб бўлмайдиган, аммо Россияга бу йўл нотўғри эканини тушунтириб қўйиш учун етарлича сезиларли бўлган ассиметрик чораларни ҳам кўриб чиқиши керак.
"Масалан, интернет ёки сунъий йўлдошларни ўчириш мумкин. Starlink жанг майдонида қандай ўзгариш қилганини кўрдингиз. Шунингдек, Россия банкларини молия тизимидан узиб қўйиш ҳам йўли ҳам мавжуд", — деди Петр Павел.
Мактабларда «Сўнгги қўнғироқ» тадбирлари қачон ўтказилиши маълум бўлди
Украина аҳолиси 22–25 млн кишигача камайди
Путин ўзини уйидагидек ҳис қилди: Хитойда янги ҳештег тарқалди
