Россия Давлат Думаси Путинга “россияликларни хорижда ҳимоя қилиш” учун армиядан фойдаланишга рухсат берувчи қонунни қабул қилди

Қонун иловасида қайд этилишича, ушбу ҳужжат россияликлар хорижда ҳибсга олинган ёки таъқибга учраган тақдирда уларнинг ҳуқуқларини ҳимоя қилиш учун ишлаб чиқилган.

Россия Қуролли кучларидан “экстерриториал” (мамлакат ташқарисида) фойдаланиш бўйича қарорни президент қабул қилади.

Амалдаги нормаларга кўра, Россия президенти мамлакат Қуролли кучларини ўз вазифасидан ташқари бошқа топшириқларни бажаришга жалб қилиш имкониятига эга. Қабул қилинган қонун эса, Путинга хорижий ва халқаро судларнинг таъқибидан россияликларни ҳимоя қилиш учун мамлакат Қуролли кучлари бўлинмаларини чет элга юборишга имкон беради.