Россия Баренц денгизи ва Евроарктикa минтақасида ҳамкорлик тўғрисидаги келишувдан чиқди

Россия Баренц денгизи ва Евроарктикa минтақасида ҳамкорлик тўғрисидаги келишувдан чиқди.

Тегишли қарор Россия бош вазири Михаил Мишустин томонидан имзоланиб, РФ расмий ҳуқуқий ҳужжатлар порталида эълон қилинди.

Бундан ташқари, Москва 2008 йилда Баренц/Евроарктикa минтақаси кенгаши давлатлари билан тузилган фавқулодда ҳолатларнинг олдини олиш, уларга тайёрлик ва жавоб чораларини кўриш бўйича ҳамкорлик ҳақидаги келишувдан ҳам чиқмоқда. Ҳозирда бу ташкилот аъзолари қаторига Дания, Исландия, Норвегия ва Швеция киради. Россия ҳам мазкур кенгаш аъзоси бўлган, бироқ Украинага босқин бошпанганидан сўнг бошқа аъзолар у билан ҳамкорликни тўхтатганини эълон қилган эди.

2023 йилда Россия кенгашни тарк этганини эълон қилиб, унинг фаолияти “Ғарб вакили бўлган иштирокчиларнинг айби билан амалда фалаж ҳолатга келгани”ни билдирган эди.

2024 йил ноябр ойида Финляндия ҳам БЙМКдан чиқишини эълон қилди, бу қарорни Россиянинг Украинага бостириб кириши ортидан “мазкур формат бугунги эҳтиёжларга жавоб бермаяпти” деб изоҳлади. Ҳелсинки шимолий минтақаларга оид ҳамкорликни бошқа йўллар билан давом эттиришга ваъда берган.