Россия президенти маъмурияти Арманистонда ахборот кун тартиби билан ишлашни кучайтиришга ва россияпараст сиёсатчиларни 2026 йилда республикада бўлиб ўтадиган парламент сайловларига тайёрлашга қарор қилди. Ушбу йўналиш билан шуғулланиш Россия президенти маъмурияти раҳбарининг биринчи ўринбосари Сергей Кириенко ва унга бўйсунувчи бошқармалар ходимларига топширилган. Бу ҳақда "Ведомости"га хабардор манбалар маълум қилди.
"Арманистон раҳбарияти тобора Ғарб томон силжимоқда, бу Россия давлат сиёсати нуқтаи назаридан қабул қилиниши мумкин эмас," - дея тушунтирди нашр суҳбатдошларидан бири.
Арманистонда Кириенко олдида Россия манфаатларини илгари суриш учун юмшоқ кучдан фойдаланиш вазифаси турибди, дея таъкидлайди нашрнинг бошқа манбаси. Унинг сўзларига кўра, ахборот ишлари аллақачон бошланган, сайловларга яқинлашганда эса "янги вазифалар ҳам қўйилади." Ҳозирда Арманистонда аввалги сиёсатчилар - Серж Саргсян ва Роберт Кочаряндан бошқа россияпараст сиёсатчилар йўқ, шунинг учун "у ерда Россия учун гапирадиган одам йўқ," деди суҳбатдош. У сайловларда яна бош вазир Никол Пашинян ғалаба қозонишини тахмин қилди, аммо "гап ҳозир сайловларда эмас, балки Россиянинг у ерда бўлишида," деб таъкидлади.
Маданият вазири коррупцияда айбланиб судга тортилади
Ҳиндистон ўз талабаларига Ўзбекистондаги университетда ўқишни тақиқлади
Исроил Туркиянинг қароридан безовта бўлмоқда
