Россия амалдаги жаҳон чемпионига қарши ўртоқлик ўйини ўтказиши мумкин

Аргентина терма жамоасининг халқаро ўйинлар ташкилотчиси, ФИФА лицензиясига эга ўйин агенти Гильермо Тофони аргентиналикларнинг Россия терма жамоаси билан эҳтимолий учрашуви ҳақидаги миш-мишлар ҳақида гапирди.

"Россия терма жамоаси билан ўйинми? Билмадим. Бу мумкин, аммо муаммо шундаки, Аргентина бошқа рақиб излаши керак бўлади. Улар иккита ўйин ўтказишни хоҳлашади. Ё Жанубий Корея билан Япония, ёки Россия ва бошқа жамоа бўлади", - дейди Тофони.

Эслатиб ўтамиз, 2022 йилдан бери Россия терма жамоаси ва клублари расмий турнирларда қатнашмаяпти, бироқ улар ўртоқлик ўйинлари учун халқаро рақибларни фаол излашда давом этмоқда.