Россия Афғонистонга катта миқдордаги гуманитар ёрдам етказди

Россия БМТ Жаҳон озиқ-овқат дастурининг ёрдами доирасида Афғонистоннинг Балх вилоятига 1280 тонна ун етказиб берди.

Россия Бош консули Игор Николаев Россиянинг БМТ билан ҳамкорликда афғон халқини қўллаб-қувватлашни давом эттириш ниятини таъкидлади.

🤝 Аввалроқ Афғонистон бош вазирининг иқтисодий масалалар бўйича ўринбосари Абдул Ғани Барадар 16-Қозон халқаро иқтисодий форуми доирасида Россия ҳукумати раҳбарининг икки ўринбосари билан музокаралар ўтказган Россияга иш сафари натижаларини ижобий баҳолаган эди .