Роналду "Реал"нинг икки футболчисини "Ан-Наср"га чақирди

Криштиану Роналду "Ан-Наср"нинг трансфер ишларида иштирок этмоқда. Яқинда Роналду клубнинг яна бир португалиялик ҳужумчи - Жоау Феликсни ўз сафига қўшиб олишида муҳим роль ўйнади. Криштианунинг трансфер режалари шу билан чекланиб қолмайди. Defensa Central хабарига кўра, 40 ёшли футболчи "Реал"нинг икки футболчисини "Ан-Наср"га чақирган. Гап Давид Алаба ва Антонио Рюдигер ҳақида кетмоқда.

Агар Алаба ва Рюдигер яқин кунларда "Ан-Наср"га йўл олмаса (Саудия Арабистонида трансфер ойнаси ҳали ёпилмаган), Роналду уларни келаси ёзда жамоада кўришдан хурсанд бўлади.

Маълумот учун, Алаба ва Рюдигернинг Мадриддаги амалдаги шартномаси 2026 йилнинг ярмигача мўлжалланган. 33 ёшли Алаба билан боғлиқ вазиятда "қаймоқранглилар" аллақачон шартнома узайтирилмаслигига қарор қилган. 32 ёшли Рюдигерни эса "Реал" сақлаб қолишга ҳаракат қилиши мумкин.