Роналду: "Оёқларимда куч бор экан, ўйнашда давом этаман"

«Ан-Наср» ҳужумчиси ва сардори Криштиану Роналду Саудия Про-лигасининг 7-турида «Ал-Файҳа»га қарши ўйиндан (2:1) сўнг футболга бўлган муҳаббати ҳақида сўз юритди. 40 ёшли португалиялик юлдуз бу баҳсда дубль қайд этди.

«Бу мен учун ҳам, бутун жамоам учун ҳам ажойиб кеча бўлди. “Ан-Наср” ғалаба қозонди, мен эса икки бор гол урдим — бу муҳим.

Ҳар доим айтаман: спортда узоқ фаолият юритиш фақат ишқ ва муҳаббат орқали амалга ошиши мумкин. Мен ҳали ҳам шу эҳтиросни ҳис қиламан. Гол урсам ҳам, урмасам ҳам — футбол менинг ҳаётим. 23–24 йилдан бери шу соҳадаман — бу менинг бутун умрим. Шунинг учун оёқларимда куч бор экан, ўйнашда давом этаман», — дея Роналдунинг сўзларини келтирган UOL нашри.

Жорий мавсумда португалиялик ҳужумчи Саудия чемпионатида 7 та учрашувда 8 та гол урган.