Роналду: «Барселона»га ўтишим мумкин эди»

Криштиану Роналду «Барселона»га ўтишга яқин келганини айтиб берди.

«Мен ёшлигимда «Барселона»да ўйнашим мумкин эди. Клубдан бир одам билан учрашдим, улар мен билан шартнома имзолашни хоҳлашди, аммо бундай бўлмади.

Улар мен билан бир йилдан кейин битим тузишни режалаштиришди, «Манчестер Юнайтед» эса дарҳол олиб кетишга тайёр эди», — деди «Ан Наср» ҳужумчиси.

Эслатиб ўтамиз, португалиялик футболчи 2003 йили 19 млн евро эвазига «Спортинг»дан инглиз клубига ўтган.