Роналду «Ан-Наср»нинг неча фоиз акциясига эгалик қилиши маълум бўлди

Саудия Арабистонилик журналист Абдулазиз Ал-Осейми жамоа ҳужумчиси Криштиану Роналду клубнинг 20 фоиз акциясига эгалик қилишини маълум қилди.

Маҳаллий ОАВ бу хабарга қизғин муносабат билдириб, португалиялик энди нафақат футболчи ва сардор, балки клуб хўжайини экани ҳақида сарлавҳали материаллар эълон қилди.

Июнь ойида клуб футболчи билан узайтирган янги шартномасига кўра, унга 15 фоизлик улуш берилгани хабар қилинганди.

2024/2025 йилги мавсумда 40 ёшли Роналду 41 та ўйинда майдонга тушиб, 35 та гол урди ва тўртта голли узатмани амалга оширди.