Родриго "ПСЖ"га ўтиши мумкин

Мадриднинг "Реал" клуби вингери Родриго маълум бир вазиятда "Пари Сен-Жермен"га ўтиши мумкин.

Парижликлар бразилиялик футболчига шу ёзда қизиқиш билдирганди, аммо миш-мишлар тасдиқланмади. Айни пайтда француз гранди Родригонинг трансфери устида иш олиб бормаяпти, бироқ уни Брэдли Барколя кетишга қарор қилса, эҳтимолий мақсад сифатида кўрмоқда, дея хабар беради инсайдер Фабрицио Романо. Луис Энрике жамоасининг асосий таркибига ҳар доим ҳам киравермайдиган французга "Ливерпуль" қизиқмоқда.

Родриго ўта жозибадор таклиф тушмаса, "Реал"да қолади. Transfermarkt портали 24 ёшли футболчининг нархини 90 млн еврога баҳоламоқда.