"Реал" яна Ла Лига пешқадамига айланди

"Реал" Ла Лигада биринчи ўринга чиқиб олди.

Мадрид клуби Испания чемпионатининг 8-турида "Вильярреал"ни 3:1 ҳисобида мағлуб этди ва турнир жадвалида "Севилья"га 1:4 ҳисобида имкониятни бой берган "Барселона"ни ортда қолдирди. Хаби Алонсо жамоаси 21 очко, каталонияликлар эса 19 очко жамғарган.

Учинчи ўринни 16 очко билан "Вильярреал" эгаллаб турибди.

Ла Лиганинг навбатдаги турида "Реал" "Хетафе" билан, "Барселона" эса "Жирона" билан куч синашади.