“Реал” Трентни жуда узоқ вақтга йўқотди

Мадриднинг “Реал” клуби ҳимоячиси Трент Александр-Арнолд сешанба куни Чемпионлар лигаси доирасида “Марсел”га қарши ўйин бошида жароҳат олди.

Эртаси куни Мадрид клуби инглиз футболчиси мушакларидан жароҳат олгани ҳақида баёнот берди. "Реал Мадрид" Трентнинг тикланиш вақтини тақдим этмади, аммо журналист Арантха Родригес ижтимоий тармоқларда инглиз футболчиси тахминан 6-8 ҳафта ичида сафга қайтишини ёзди.

Шу боис, Александр-Арнолднинг майдонга қайтишини ноябрь ойида кутиш мумкин.