"Реал" Родригони сотиш орқали тушган пулга бирданига икки позициясини кучайтириб олиши мумкин

Ҳужумчи Родриго яқин ҳафталарда "Реал"ни тарк этиб, Англия Премьер-лигасига йўл олиши мумкин. Матбуот бразилияликни бир вақтнинг ўзида АПЛнинг бир нечта топ-клублари, жумладан, "Манчестер Сити" билан боғламоқда.

Transfer News Live нашрининг Defensa Central’га таяниб хабар беришича, "Реал" Родриго трансферидан 100 миллион евро ишлаб олмоқчи. "Қаймоқранглилар" бу пуллардан икки футболчи - "Ливерпуль" ҳимоячиси Ибраима Конате ва "Кристал Пэлас" ярим ҳимоячиси Адам Уортонни сотиб олишга ҳаракат қилади.

Родриго "Реал" сафида 270 та расмий ўйин ўтказиб, 68 та гол ва 51 та голли узатмани ўз ҳисобига ёздириб қўйган.