«Реал»нинг яна бир ҳимоячиси жароҳат олиб, 2-3 ҳафтага сафдан чиқди

«Реал» ҳимоячиси Давид Алаба жароҳат олиб яна сафдан чиқди.

«Реал» клуб матбуот хизмати хабарига кўра, тиббий текширувлар австриялик ҳимоячининг сон мушаклари шикастланганини кўрсатган.

Журналист Хосе Луис Санчес хабарига кўра, Алаба 2-3 ҳафтага сафдан чиққан.

Эслатиб ўтамиз, Алаба 2023 йилнинг декабрида хочсимон пайлари узилиши оқибатида 2025 йилнинг январ ойигача тикланиш жараёнини ўтказди. У сафга қайтганидан кейин Мадрид клуби сафида 4 ўйинда майдонга тушиб, жами 70 дақиқа майдонда ҳаракат қилган эди.