Мадриднинг "Реал" клуби дарвозабони Андрей Лунин "Манчестер Юнайтед"нинг диққат марказига тушди. Бу ҳақда "MSN" нашри хабар бермоқда.
Маълумотларга кўра, украиналик голкипер жамоанинг дарвозабонлар бўлимидаги рақобатни кучайтириш учун асосий номзодлардан бири сифатида кўрилмоқда. "МЮ" бош мураббийи Рубен Аморим янги дарвозабон олишда қатъий турибди.
Гарчи клубнинг биринчи рақамли мақсади "Астон Вилла" посбони Эмилиано Мартинес бўлиб турса-да, иккинчи асосий вариант сифатида айнан Лунин номзоди кўриб чиқилмоқда.
Ўтган мавсумда 26 ёшли украиналик посбон "қироллик клуби" сафида 14 учрашувда майдонга тушиб, 6 бор дарвозасини сақлади ва жами 19 та гол ўтказиб юборди.
Ўзбекистон миллий терма жамоаси Тошкентда Жаҳон чемпионларига қарши ўйнайди
UFC жангчиси Шавкат Раҳмоновнинг рафиқаси 10 йилга қамалиши мумкин
Баҳодир Жалолов: "Ўйлаганимдек бўлмади... Биз давом этамиз!"
