Испаниялик собиқ футболчи Рауль Гонсалес янги мавсумда «Реал» бош мураббийига айланиши мумкин, дея хабар бермоқда Marca.
Манбанинг ёзишича, Зинеддин Зидан ёзда жамоани тарк этиш ҳақида ўйлаётгани сабабли клуб раҳбарияти франциялик мутахассис ўрнига жамоанинг яна бир афсонаси – Рауль Гонсалесни таклиф этишни режалаштирмоқда. Флорентино Перес Рауль билан доимий алоқада бўлиб тургани учун айнан у жамоани бошқариш учун асосий номзодга айланган.
Рауль 2018 йилдан мураббийлик фаолиятини бошлаб, 2019 йилдан буён «Реал»нинг фарм-клуби саналмиш «Кастилья»ни бошқариб келмоқда. 43 ёшли мутахассис 2020 йилда мадридликлар билан УЕФА ўсмирлар лигасида ғолибликни қўлга киритганди.
Эслатиб ўтамиз, Зидан 2019 йилнинг март ойида «Реал»да иккинчи марта иш бошлаганди. Клуб ушбу мутахассис қўл остида ўтган мавсум Ла Лига чемпионлигини қўлга киритган.
