"Реал" мухлислари учун хушхабар бор

"Реал" ва Тибо Куртуа шартномани узайтиришга яқин турибди.

Инсайдер Фабрицио Романонинг ёзишича, мадридликлар дарвозабонга 1 июлдан кейин, яъни амалдаги шартномаси тугашидан бир йил олдин янги келишув таклиф қилади.

Шартнома ёзда узайтирилиши кутилмоқда, чунки "Реал" ҳам, Куртуа ҳам ҳамкорликдан мамнун.

Куртуа "Реал" сафида 2018 йилдан буён ўйнаб келмоқда. Бельгиялик футболчи Ла Лиганинг якунланган мавсумида 30 та ўйинда майдонга тушиб, уларнинг 11 тасида ўз дарвозасидан тўп олиб чиқмади.